Thursday, 5 January 2012

கொலையும் செய்வாள் கள்ளகாதலி!

உண்மைக்கும் நேர்மைக்கும் போராடுவதாக பத்திரிகைகள் பல நேரங்களில் சொல்லிக் கொண்டாலும், பத்திரிகையில் இருப்பவர்களே பல நேரங்களில் குற்றவாளிகளாக இருக்கிறார்கள். அப்படிபட்ட ஒரு குற்றவாளி பற்றி உங்களிடம் உண்மையை சொல்லப்போகிறோம்.
குமுதம் சிநேகிதி பத்திரிகையில் வேலை பார்த்து வரும் எழில்செல்வி. இவருக்கு ஏற்கனவே திருமணமாகி குழந்தை இருக்கிறது. கணவன் எங்கே இருக்கிறான் என்று யாருக்கும் தெரியாது. இவருடன் அதே அலுவலகத்தில் போட்டோகிராபராக வேலை பார்த்த மீடியா ராமு என்பவனுடன் கள்ள காதல். ஏன் கள்ள காதல் என்று சொல்கிறோம் என்றால், மீடியா ராமுவுக்கு ஏற்கனவே திருமணமாகி கல்லூரி படிக்கும் மகன் இருக்கிறான். மீடியா ராமுவும் காதல் திருமணம் செய்து கொண்டவர்தான். அசைன்மெண்டுக்கு செல்லும் போது, இருவருக்கும் நெருக்கமாகி தனிமையில் பழக ஆரம்பித்தனர். சக ஊழியர்கள் என்பதால் அலுவலகத்தில் யாருக்கும் அவர்கள் மீது சந்தேகம் வரவில்லை. இரவில் இருவரும் ஓரே அறையில் தங்குவது, வீட்டுக்கு போகாமல் இருப்பது என மீடியா ராமு செயல்பட தொடங்கியதும் மனைவிக்கு சந்தேகம் வந்து அவரை பின்தொடர இருவரும் கையும் களவுமாக மாட்டிக் கொண்டனர்.
இது குறித்து சிநேகிதி ஆசிரியரிடம் சொல்லி, எனது கணவரை மீட்டுத் தாருங்கள் என்று சொல்ல அவர்களும் பேசி பார்த்து இருக்கிறார்கள். ஆனால் கடைசி வரையில் ராமுவை விட்டுத்தர முடியாது என்று எழில் செல்வி சொல்லிவிடவே ஆசிரியரும் அந்த முயற்சியை கைவிட்டுவிட்டார். அதன் பின்னர் மீடியா ராமுவின் மனைவியே நேரடியாக எழில்செல்வியிடம் பேசியிருக்கிறார். அப்போது, உன்னால் உன் கணவரை கட்டுப்படுத்த முடியலை. முடிஞ்சா அவரை கட்டுப்படுத்திக்கோ... என்று மூஞ்சியில் அடித்த மாதிரி பேசி அனுப்பிவிட்டார். இதில் நொந்து போன மீடியா ராமுவின் மனைவி. இதற்கிடையே, மீடியா ராமுவிடம் பேசிய எழில் செல்வி, ‘உனக்கு நான் வேண்டுமா? அல்லது உன் மனைவி வேண்டுமா? என்பதை முதலில் முடிவு செய். அவள் அலுவலகத்துக்கே வந்து என்னை மிரட்டுகிறாள். ஒன்று அவள் இருக்க வேண்டும். அல்லது நான் இருக்க வேண்டும். இதில் எது என்பதை நீயே முடிவு செய்து கொள்’ என்று சொல்லியிருக்கிறார். காதலியின் கடைக்கண் பார்வை பட்டதும் ஆவேசமான மீடியா ராமு மனைவியிடம் வீட்டில் சென்று சண்டைப்போட்டுள்ளார். இருவருக்கும் மோதல் அதிகமாக, ஆவேசமான மீடியா ராமு மனைவியை மண் எண்ணெய் ஊற்றி எரித்துவிட்டார். இதை பார்த்து அவர் மகன், அம்மாவை காப்பாற்ற முயன்றும் முடியவில்லை.
இந்த செய்தியை எழில்செல்வியிடம் மீடியா ராமு போனில் சொல்ல, அன்று அலுவலகம் வந்த அவர், தன்னுடைய அலுவலக தோழிகளுக்கு அருகில் உள்ள அபிராமி மாலுக்கு அழைத்துச் சென்று விருந்து கொடுத்துள்ளார். அவர்கள் எதற்காக இந்த விருந்து என்று கேட்டபோது, ‘எனக்கு இருந்த ஒரு தொல்லையும் தொலைந்தது. இனிமேல் எனக்கு எல்லாமே கொண்டாட்டம்தான்’ என்று சொல்லியிருக்கிறார். அடுத்த சில நாட்களிலேயே அலுவலகத்திற்கு போலீஸ் வந்து இந்த விவகாரம் பற்றி விசாரித்த போது, அவரது தோழிகள் ஆடிப்போய்விட்டார்கள். எங்கே போலீஸ் நம்மை கைது செய்துவிடுமோ என்று பயந்த எழில்செல்வி, தனது அண்ணன் மூலமாக ராஜினாமா கடிதத்தை கொடுத்துவிட்டு தலைமறைவாகிவிட்டார்.

No comments:

Post a Comment