Monday, 9 January 2012

ஆந்தை குமாரின் வசூல் வேட்டை...

குமுதம் ஹெல்த் பத்திரிகையில் வேலை பார்த்து வந்தவர் ஆந்தை குமார். இவர் ஆரம்பத்தில் விகடன் நிறுவனத்தில் வேலை பார்த்தார். ஜூனியர் விகடன் ஆரம்பித்த காலத்தில் போலீஸ் ஏரியா பார்த்தார். அப்போது பல அதிகாரிகளின் முகத்திரையை கிழித்துவிடுவதாக மிரட்டி வசூல் வேட்டை நடத்தி வந்தார். தனக்கு மாமூல் தராத போலீஸ் அதிகாரிகளை ஆந்தையாரின் ராத்திரி ரவுண்டப்பில் போட்டு காலி செய்து வந்தார். இவருடைய கற்பனை வளத்துக்கு அளவே இல்லை. உட்கார்ந்த இடத்திலேயே அவர், நடக்காததைக் கூட நடந்ததாக எழுதக் கூடிய வல்லமை கொண்டவர். அப்படி ஒரு முறை எழுதித்தான் விகடன் நிறுவனத்தில் இருந்து அவர் பணியில் நீக்கப்பட்டார். அதன் பின்னர் போதையின் பிடியில் சிக்கி  பத்திரிகை துறையில் இருந்து விலகி இருந்தார்.
அதன் பிறகு தனது நண்பர்கள் சிலரின் தயவால், குமுதம் நிறுவனத்துக்குள் நுழைந்தார். இவரை யார் யார் குமுதம் நிறுவனத்திற்குள் கொண்டு வந்தார்களோ அவர்களை பற்றி இளங்கோவனிடம் போட்டுக் கொடுத்து வேலையில் இருந்து விரட்டினார். போட்டியே இல்லாமல் ரிப்போர்ட்டரில் கவர் வாங்கி குவித்து வந்தார். இவருக்கு உடந்தையாக இருந்தவர், மீடியா ராமு என்ற போட்டோகிராபர்.
இந்த விபரம் நிர்வாகத்துக்கு தெரிந்ததும், அவரை குமுதம் ஹெல்த் பத்திரிகைக்கு மாற்றியது. அதன் பின்னரும் இவரது ஆட்டம் அடங்கவில்லை. ஹெல்த் பத்திர்கையில் காராத்தே தியாகராஜன், சபாநாயகர் ஜெயக்குமாரின் ஆஸ்பிட்டல் அனுபவங்கள். நடிகைகளில் ஆஸ்பிட்டல் அனுபவங்கள் என்று அவர் வாங்கிக் குவித்த கவர்களுக்கு அளவே இல்லை. இந்நிலையில் அவரால் நடக்க கூட முடியாமல் சிரமப்பட்டார். ஆனாலும் அவர் மீது நிர்வாகம் நடவடிக்கை எடுக்கவில்லை. அவரின் பொருளாதார நிலை குறித்து கவலை கொண்ட நிர்வாகம் அவரை பணி நீக்கம் செய்யவில்லை.
இந்நிலையில் போட்டோகிராபர் மீடியா ராமு, ஹெல்த் ஆசிரியர் வசந்த் செந்திலிடம் கொடுத்த புகார் கடிதத்தில், ‘நடக்க முடியாமல் அவதிப்படும் ஆந்தை குமார், என்னை பல வி.ஐ.பி.களிடம் சென்று பணம் வாங்கி வரச் சொன்னார். ஆரம்பத்தில் அதை செய்து கொண்டு இருந்த நான், ஒரு கட்டத்தில் முடியாது என்று சொல்லிவிட்டேன். உடன் என்னை பழி வாங்கும் நடவடிக்கையில் இறங்கினார். எனக்கு அசைன்மெண்ட் தராமல் என்னை வேண்டுமென்றே அலைக்கழிக்கிறார்’ என்று புகார் கூறியதுடன், யார் யாரிடம் பணம் வாங்கினார் என்ற பட்டியலையும் கொடுத்துவிட்டார்.
இது குறித்து குமாரிடம் நிர்வாகம் விளக்கம் கேட்க, அவர் மீடியா ராமுவின் வண்டவாளங்களை கடிதமாக எழுதிக் கொடுத்துவிட்டார். இரண்டு கடிதங்களையும் அங்கு பணியாற்றி வரும் விஜயானந்த் ரகசியமாக விசாரித்து உண்மை என்று அலுவலகத்துக்கு அறிக்கை கொடுத்து இருக்கிறார். இந்நிலையில் மனைவியை கொன்ற மீடியா ராமு, அலுவலகம் வருவதை நிறுத்திக் கொண்டார். அலுவலகம் ஆந்தை குமாரிடம் விளக்கம் கேட்டதும், நடவடிக்கைக்கு பயந்து அவராகவே பதவியில் இருந்து விலகிக் கொண்டார்.
‘ஏய்ப்பவர்களுக்கே காலம் என்று எண்ணிவிடாதே... பொய் எத்தனை நாள் கைகொடுக்கும் என்பதை மறந்துவிடாதே...’ என்ற எம்.ஜி.ஆரின் பாடல் வரிகள்தான் இவர்கள் விஷயத்தில் ஞாபகத்துக்கு வருகிறது.

No comments:

Post a Comment